نكت مجهوله المصدر

أعلن إخلاء مسئوليتي كاملة عن اي إغماءات او صداع او مغص كلوي حاد بعد الشر عليكوا يتبع قراءة هذا الموضوع ...

بيقولك واحد باكستاني خلف واد سماه ايه ؟؟؟ باكس تالت ..

طيب خلف واد كمان .. سماه ايه ؟؟؟ باكس اول على اسم جده

طب خلف خمس ولاد مرة واحده سماهم ايه ؟؟؟؟؟ باكس تريت بويز Backstreet boys


ازاى نصطاد الفيل الاحمر؟
ببندقية الفيل الاحمر

ازاى نصطاد الفيل الاخضر
نستنى لما يستوى ونصطاده ببندقية الفيل الاحمر

ازاى نصطاد الفيل الازرق؟
نكسفه وشه يحمر ونصطاده ببندقية الفيل الاحمر


ايه الفرق بين القلة والزير
فى فوازير ومافيش فوا قلة

طيب واحد " هندي " اتشقلب بقى ايه ؟؟؟؟ " هناخد "

طيب واحد صيني اتجوز بقى ايه بعد الجواز ؟؟ لسه صيني زي ما هو

طيب واحد بلديتنا سافر الخليج بقى ايه ؟؟؟ بقى بلديتهم

ليه التلاجة غبية؟
عشان بتحفظ الاكل ومابتفهموش

ليه الكتكوت اصفر وصغير ؟
عشان لو كان كبير ورمادى كان بقى فيل

نعرف منين ان الصراصير فى الشقة؟
اكيد هنلائيهم قالعين الشباشب برة

ازاى نحط فيلين فى كباية من غير مايلمسوا بعض ؟
نحط بينهم فيل تالت
طب ازاى نركب 4 فيلة على عجلة واحدة؟
فيل يركب العجلة ويمسك الكباية

طيب حاجه بيضه وطويله ورفيعه؟
فتله بيضه

طب حاجه سودا وطويله ورفيعه؟
خيال الفتله البيضه

ما هو الحيوان الذي يعيش تحت الماء ويأكل الزلط؟
هو:الحيوان الذي يعيش تحت الماء ويأكل الزلط

طب عندنا حمام سباحه عمقه عشرة متر وعندنا فوق الحمام دا منط على ارتفاع اربعين متر ورمينا زلطه...حتوصل للقاع فى اد ايه؟
مش حتوصل عشان الحيوان الذي يعيش تحت الماء وياكل الزلط حياكلها قبل ما توصل

له جنحان لكن لا يطير له أعين لكن لا يرى له منقار لكن لا يأكل يبقى ايه؟
عصفور ميّـت

عندنا 100 فيل وعاوزين نركبهم فى عربية نعمل ايه؟؟
نجيب عربيه ميتسوبيشي ونركب كل فيل في سوبيشي

عكس طارق علام؟
طارق تحت اللام

ليه الهرم فيه حتة حديدة من فوق؟
عشان يتشال منها وينضفوا تحتيه

طب ازاي تعرف البواب الغبى؟
بينضف الاسانسير في كل دور

إيه وجه الشبه بين القمر وصينية البطاطس ؟
الإتنين ميتعملوش عصير مانجو

واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه

طب كتكوت بيعدي الشارع و فجأة مات .. ليه؟
الزلطة جت فيه

ايه الشبه بين الصعيدي الذكي وسوبر مان ؟؟
الاتنين خيال علمي

ليه مصباح علاء الدين بيطلع عفريت ؟؟ عشان مبينورش

ليه اللمبة الفلوروسنت أجنبية ؟؟ عشان مسمهاش فلورو قرش

فيل زلومته قصيرة و عنيه مقفله ليه ؟؟ عشان صيني

النملة لما تحب تعمل دماغ بتضرب ايه ؟؟ فيليت
طيب الفيل لما يحب يعمل الدماغ ؟؟ يضرب نمليت

ليه الأسد ملك الغابة ؟؟ عشان لسه الغابة مبقتش جمهورية

واحد اكل مطب وقف في زوره
كسر الإشارة الإزاز عوره

الفرق بين البطة و الوزة

البطة رجليها مبططة .. الوزة رجلها مش موزوزة
البطة الشيطان بيوزها .. الوزة الشيطان مش بيبطها
البطة بتزور .. الوزة مش بتطور


ليه بلديتنا قتل ابوة؟
عشان يطلع رحله الايتام

طيب ليه قتل عمه؟
عشان ابن عمه يطلع معاه

طيب ليه قتل خاله؟
عشان الاجرام بقي في دمه

طيب ليه انتحر بعد كده؟
عشان رحله الايتام اتلغت

ليه القطر بيقف قدام الصيدليه؟
عشان يعاكس القطره


كل سنة و انتو طيبين و ألف خير

nokaat gamda awyyy ya yoyo bgd 7lwa thx thx thx thx

شكرا لردودكوا الجميله

ههههههههه
جميله يا ايه بجد تحفه

ههههههههههههههههه
حلوة اوى اوى ياايه انا ماخدتش بالى من الموضوع غير دلوقتى بس جميل اوى

ya lhwyy ya aya ah da da fe nokt tshll f3lnn dna kont h3et mn kotr ma el nokt '3bea

هههههههههههههههههههه حلوة اوي شكرا يا يويو