مجددون الشبـــان ...

بسم الله الرحمن الرحيم





انا اسمى/ ممدوح صبحى - طالب فى الصف الثانى الاعدادى(2-2)
فى البداية احب اشكر كل اللي ساعدوني عشان اعمل الجماعة (اشكر الله سبحانه وتعالى) ثم (والدى ووالدتى) ثم (ا/نسرين) ثم (ادارة المدرسة والاساتذة) ثم (الطلاب اللي شجعونى عشان اعمل الجماعة دى).

اسم الجماعة مجددون الشبان .. الجماعة دى والله مش اتعملت غير للخير ثم التجديد واستخدام التكنولوجيا الحديثة فى الخير والتنمية .. اكيد كلنا عارفين ان النت دلوقتى بيستخدم فى الشات والتسلية .. طب احنا ليه مش نستخدمه فى الخير والتنمية هو ده باختصار الفكرة الاساسية للجماعة.

هدف الجماعة:كل مجدد يقترح فكرة جديدة لتطوير المدرسة، او اى حاجة هو شايفها مش عجباه فى المدرسة هيقدم الحاجة اللي مش عجباه وبعدين الاقتراح اللى هو شيفه للحل بس ياريت الانتقاد يكون بشكل كويس ، واكيد طبعا ممكن نتكلم فى اى حاجة فى المناهج الدراسية.

احنا بدأنا مجددون الشبان فى جزء صغير من المنتدى لغايت لما الجماعة تكبر، وادارة المدرسة توعدت مشكورة انها ان شاء الله هتعمل لمجددون الشبان قسم خاص بيهم على منتدى المدرسة.

احنا بدأنا مجددون الشبان (بدأنا التجديد والخير) يوم الخميس الموافق 28/10/2010 .. يوم 28/11/2010 هيكون مر شهر على بداية مجددون الشبان فى اليوم ده ان شاء الله المدرسة هتكرم افضل خمسة كان ليهم دور هام فى التجديد وتقديم فكرة جيدة.

ولأن مش ينفع مجددون الشبان يكونوا مش متفوقين فاحنا ان شاء الله مش هيكون فى تقديم اقتراحات الا يوم الخميس اللى هو تقريبا يوم الراحة لكل الطلبة،واذا حد ممكن يكون فاضى فى اى يوم غير كدا مفيش مشكلة انه يقدم اى فكرة بس الاساس هو يوم الخميس.

وده الايميل الخاص بالجماعة: mogddedonshoban@yahoo.com
اتمنى تكون الفكرة عجبتكوا ويارب نقدم حاجة كويسة لمدرستا ونعمل خير فى حياتنا.
تحياتي لكل مجددون الشبان

ماشاء الله
مشروع رائع جدا ربنا يوفقك
وان شاء الله الجماعة دى تنجح اكبر نجاح وتنشط المنتدى تانى من جديد
وانا اذا كان ندى افكار فبأذن الله هاحاول اقولها لكوا
وبالتوفيق بأذن الله

ربنا يوفق الكل فكره جميله جدا ان شاء الله لو عندي راي وافكار هقولها

[b]على فكرة ادارة المدرسة عندها علم بالجماعة دى
عاوزين الافكار بسرعة..عايزين نرجع الخير لبلدنا وحيتنا
ياريت الاهتمام بالموضوع شوية لان الموضوع والله مهم جدا

طيب الافكار بالنسبة للمدرسة ولا عامة ؟

مممممممم
طيب انا الصراحة ماعنتش فى المدرسة بس انا عندى اقتراح هايعمل فرق شاسع فى المدرسة كلها وهايأثر فى التعليم


نفسى فى ححاجة واحدة تتحق فى فى المدرسة وفى الفصل انا نفسى ان يكون فى علاقة كوسة بين المدرس التلميذ
ماتكونش علاقة ان المدرس داخل يدى الحصة وخلاص علشان دى مهمتة لاكن يكون فى تفاعل كويس والمدرس يعامل التلميذ كويس والتلميذ يعامل المدرس بأحترام
على الاقل المدرس يدخل الفصل وهو مبتسم اى كان من الهموم اللى جواه المفروض انو ينسى كل حاجة مالهاش علاقة بالمدرسة وهو داخل المدرسة ولما يخرج من المدرسة ينسى كل هموم المدرسة لما يخرج من المدرسة

وابتسامة واحدة بتفرق والله لما الطالب يشوف مدرسة داخل وهو مبتسم قلبة هاينشرح لما المدرس يعنى يدخل نوع من الفكاهه بس ماتبقاش كل الحصة طبعا كدا الطالب هايفهم اكتر
واكتر حاجة بتاثر فى الطالب ان الاستاذ يكون عارف اسمة وينادية بأسمة دا بيأثر تأثير جامد جدا فى التلميذ مش بدل مالاستاذ يقول للطالب مثلا (ياولد او انت يا سمك ايه)

دا كله كلام عام مش خاص بالمدرسة الشبان بس دا بكل المدارس
واتمنى لو ان الجماعة تحاول تستفيد من الكلام دا

وهو مبتسم قلبة هاينشرح (بتجيبو فسيرت انشراح ليه

ان شاء الله يا ممدوح و ربنا هيوفق الدنيا على بعضها

افكارى هقولهالك فالمدرسه

فكرة كويسة يا محبة الرسم ان شاء الله اعرضها على الادارة

انا الحقيقة مش في المدرسة خالص لكن انا لو عندي افكار تفيد المدارس كلها ان شاء الله هقدمها.
كان في برنامج اسمه خواطر 5 بيتكلم عن نهضة اليابان وانا جايبة حلقة بتتكلم عن النظافة في المدارس هي ممكن تكون صعبة شوية في مصر بس مفيش حاجة صعبة لو احنا فعلا عاوزين نعمل شئ جديد وراقي.
https://www.youtube.com/watch?v=9VSfzwY_VGc&feature=related

معاك يادوحة
انا رايى ان ممكن نختار طلاب من كل صف
ويبقوا معاهم تصريح انهم يصلحوا من المدرسة كل حاجة
وبذلك المختارين هيبقوا ملاحظين ويغيروا براحتهم

انا عارف الحلقة دى وسمعها كويس وكنت هادمها فى المدرسة
شكرا الاهتمام

كويس
طيب انا عندى اقتراح تانى
بس صعب اوى اوى اوى
يعنى صعب بمعنى الكلمة
بس هاقولة
ان فصول الاعدادى بالذات يعاد طلائها من جديد
وتندهن باللون الابيض لان الصراحة الفصول كئيبة اوى اوى
واللون الابيض بيحسس الواحد بالتفاؤل والفرح

العفو يا ممدوح صبحي وياريت لو الفكرة دي اتنفذت هتبقي حلوة اوي........ فكرة حلوة يا محبة الرسم لكن زي ما بتقولي صعبة شوية

ana kont btfrg 3la brnamg mgddon da kan gmel mootttttt

w el fkra 7lwa awyy w masha2 allah fe nas shrkt b afkar bs ana dlw2ty mfesh 7aga fe dma'3y

w isa lma ygely afkar h7tha

فعلا فكرة حلوة يا محمد طارق

لا حلوة ياطارق بس كدة اهملمنا الصفوف الاخرى

اشكرك يا ممدوح علي المشروع الجميل ويارب يارب يوفقك

انا عندي فكرة كويسة جدآ ليه ماتبقاش المدرسة بتاعتنا احسن مدرسة من حيث الأدب في التعامل مع الأخرين ومع المدرس بالأخص وفي بعض التجاوزات مع الولد والبنت وفي طبعآ النظافة المدرسية ويارب المدرسة تلبي الطلب ده يا ريت

با لنسبة لموضوع طارق حبيبي طبعا هوا موضوع في منتهي الذكاء والأهمية بس علي رأي مالك حبيبي كده هنهمل الصفوف

انا كنت عاملة موضوع بيتكلم عن الموضوع دا وطرحت فيه نفس الفكرة
وبالتوفيق

بالتوفيق ان شاء الله فعلا لازم انتو تبدءو بنفسكم وان شاء الله تكون احلي مدرسة