موضوع بجد هادف

بسم الله والصلاة واللام على رسول الله - صلى الله عليه وسلم -
أما بعد
إليكم حوار بيني وبين شخص يكتب "فرانكو أراب" - من خيالي طبعا -
أحاول فيه أن أبين أن هذه الطريقة في الكتابة لا معنى لها مهما كانت الأسباب فهي غير مبررة
يا رب أكون موفق فيه
وأعرف أن المعارضين لما أقول كثيرون
أهلا بهم في مناقشة هادفة

أنا : إنت ليه بتكتب كدة
هو : يا عم دي أسهل بكتيييييير من العربي الخنيق ده
أنا : إزي يعني؟؟؟ هو مش ده عربي وده عربي إيه الفرق ؟؟؟
هو : لأ بس انا حافظ الحروف اللي على الكيبورد بالإنجليزي فيبقى أسرع
أنا :ما هو إنت لو بتكتب بالعربي كان زمانك اتعودت عليه وبعدين عيب عليك العربي دا لغتك .. لازم تعتز يها
هو : ما هو أنا بكتب عربي برده
أنا : طيب يبقى إيه السبب إنك تكتبوا بالانجليزي بتستعر من الحروف العربي مثلا
هو : لأ مش موضوع كدة بس الفكرة .....
أنا : الفكرة إننا أهملنا لغتنا بإهمالنا لأصلها اللي هو حروفها بالرغم من عدم وجود سبب مقنع لذلك وده مشموضوع بسيط ..إنهاردة الحروف انجليزي ولسة الكلام عربي ..بكرة لا حروف ولا الكلام .. وبكدة يبقوا عرفوا يضيعوا لغتنا صح .....وللا إيه ؟؟؟؟
هو : يا عم أنت كبرت المو ضوع ليه كدة .. العملية مش مستاهلة ؟؟؟؟
أنا : لازم يكبر والعملية مستاهلة بس إحنا مش حاسيين
هييجي اليوم اللي نندم على تفريطنا في اللغة كدة
هو : بس أنا كدة برده ما ضيعتش اللغة ما انا باتكلم معاك عربي أهه
أنا : كدة ماضيغتش اللغة ؟؟؟؟؟؟
لما كتابتك تبقى كدة فدي أول خطوة في تضييع اللغة
وبعدين في حاجة تانية يا راجل دا أنا بأواجه صعوبة في ترجمته للعريبة 3 .. 5 ..7 ..8 إيه دخل الأرقام دي بالحروف .. والواحد يتلخبط ويرجع يستنتج بقى .. ليه كدة
هو : ما انت لو اتعودت مش هتتلخبط
أنا : واتعود ليه أساسا ما هي دي لغتي ودي حروفها أتعود على حروف تانية ليه
غير إن الأرقام دي دليل على تفوق اللغة العربية وعجز الإنجليزية
وعندي سؤال .. مش عاوز تكتب بكتابة القرآن الكريم الكتاب الخالد الكتابة اللي ربنا كرمها وفضلها علشان يكتب بيها الكتاب الخاتم الكتاب المعجزة الذي أنزل على خير البشر
يا راجل خلي دي نيتك وانت بتكتب بيها ولو حتى لقيت إنك مش متعود عليها وإن شاء الله هتكون في ميزان حسناتك
والحكاية كلها ليلتين شات والليلة هتظبط معاك
بس حاول مش هتندم
الموضوع سهل والله
هو : خلاص يا عم هاحاول بس ما أوعدكش
أنا : ليه كدة بقى ؟؟؟؟
هو : يا عم صحابي هيفضلوا يتريقوا عليا ويقولوي أنت هتصلح الكون وللا إيه هتعملنا فيها سيبويه
أنا : قولهم أيوة إن شاء الله لو بدأت نفسي وبعدين أقنعت واحد والواحد أقنع واحد وهكذا بإذن الله هنرجع اللغة زي ما كانت
هو : إن شاء الله خلاص هاحاول بجد
مش كدة وبس .. وهاحاول أقنع صحابي كمان

يبقى في أمل بإذن الله

بجد حلو ومهم جدا

ماشى موضوع حلو و انا بحاول بس هسال سؤال
احنا بنتكلم باللغه العاميه و سبنا الفصحى و مش ينفغ نكتب كل الكلام العامى بالعربى

ana eftkrto hadef zy elmwade3 elhatfa gdn eltanya bs 3ade ya aya mfr2tsh 3rbe mn 8ero el mohem enna bnktb

لا تفرق يا نوران لو بالنسبالك متفرقش خلاص انتي حره

انا كمان بدايق من لغة فرانكو اراب دي جدا وفيها ايه لما نكتب كلامنا لعغة عربية فصحي
وهو احنا مش عرب ولا اية وعلي فكرة دي كانت اكتر حاجة مديقاني في المنتدي