اضحك بدل ما أعورك | الجزء السابع

السلام عليكم ورحمة الله وبركاته

الجزء ده من اضحك بدل ما أعورك هيبقى خاص بالنكت الرخمة
بس النكت الرخمة اللي من كتر رخامتها تضحكك
فاللي عنده ضغط أو سكر أو حتى كحة بلاش يقرا الموضوع

نبدأ على بركة الله

واحد قال لابوه عايز اكمل دراسه بره قاله خلى امك تفرشلك فى الصاله

واحد عرف رقم ابليس جننه
كل دقيقة يبعتلو
اعوذ بالله من الشيطان الرجيم

دبلدياتنا سافر فرنسا بعت جواب لابوه بيقوله فرنسا حلوه يابويى فرنسا
جميله قوى يا بويى ابوه بعتله جواب قاله اتجدعن وانا اجوزها لك

صعيدي لقي مصباح علاء الدين قعد يدعك فيه يدعك فيه بقوه العفريت مات فى حاله اختناق حاد

مرة في اتنين راحوا البحر واحد صاد وواحد ضاد

مساطيل دخلوا متحف لقوا هيكل عظمي مكتوب عليه 1600 ق .م فواحد بيسأل الثاني إيه 1600 ق.م دي ؟؟؟ قاله تلاقيها رقم العربية اللي خبطته

مره واحد صعيدي سافر امريكا كان معاه 5000 دولار كل ميجي يحجز في فندق يلايه مليان نام في جنينه راح جالو واحد سرقه وحلاقله شعره صحي لقى الفلوس اتسرقت اعد ياول يلهوي بعدين بيحط ايدو علي راسه ملاقش شعر قال الحمد لله مش انا

مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء فطالب سأله لو سمحت يا استاذ هي الهمزة علي السطر ولا علي ألف، سكت المدرس شوية وبعدين قاله خلاص يا ابني خليها الخميس

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."

مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

hahahahha 7lween awyy ana aktr wواحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."a7da 3gbany

ههههههههههههههههه
النكت رخمة بس ضحكوينى اكتر واحدة عجبتنى بتاعت الاتنين الاغبية

ههههههههههههههههههههههههه
النكت حلوة جدا جدا جدا Laughing

Thanks

u r w

hea tn2t 7ba bs gmela moott thxx ya a7md