مصرع كيلو بترا الجزء الثالث والاخير

من غير رغي ادي الجزء التالت و الاخير من مصرع الست كليوباترا
الفصل الثالث
كليوباترا تشعر بحركه غير طبيعيه في سفن اكتافيوس ...يبدو انها تحاول الالتفاف حول سفن انطونيو و بدات تشعر بوجود سفن شرطه روما في النص كده ............ و كانت شرميون تعزف العبد و الشيطان على الهارب
وبينما شرميون تغني ومنسجمه (اشرب كاس نبيد ....ماتقدمش القرابين )
-و قفي يا شرميون
-ليه يا مولاتي خير كفا الله الشر
-مش عارفه قلبي مقبوض
-اذكري الاله امون كده وانتي تهدي
-امون ايه ... بقولك اسحبي السفن
-ايه!!!! طب و المعركه يا مولاتي
-اسمعي اللي بقولك عليه
و ذهبت شرميون لتنفذ الامر..................
المشهد الثاني
انطونيو منهمك في لعب( فيفا 31 ق.م) يقتحم الاوده كالاعصار قائد السفن
-الحق يا معلمي .كليوباترا سحبت السفن و راجعه مصر
صعد انطونيو لسطح السفينه ...راها تتخلى عنه.......... راها تتركه في قلب المعركه............ راها تاكل حلاوه .راها...
-اللعنه
-فيه ايه يا معلمي
-شرطه روما يا خفيف
-يييي
-المهم لم السفن
-انت تامر يا سيدي المعلمين
-لما نشوف هتخلص على ايه....
المشهد الثالث
قسم شرطه روما العمومي
العقيد هيرولس يسال اكتافيوس: ايه اللي حصل يالا
-ابدا يا سعاده البيه انا ماشي بالسفينه بتاعتي لا بيا ولا عليا و فجاه طلعت سفينه كسرت عليا جابتلي جنب السفينه اليمين
-ايه يا معلم انطونيو حته عيل زي ده تنزل عشان معاه خناقه ؟!
-يا سعاده الباشا ده عيل غريب كده ده عايز يتخانق معايا انا لا شفوت سفينه ولا يحزنون و بعدين خلاص هاطلع انا الكبير و هتنازل عن المحضر
-اصيل يا معلم ... وانت يالا تحب و تبوس على ايدين المعلم
بنظر اكتافيوس الي انطونيو بغل و بظره تحمل (معلش بكره نتقابل)
هيرولس : امال الست كليوباترا فين
انطونيو : يا عيني دي محتاسه في مصر مع ابنها اصل عقبال عندك كده الواد في ابتدائيه والدروس وكده
هيرولس : اه ربنا يعينا ...............انت يا يالا (اجريبا) هو انت يا روح خالتك عشان خلصت المراقبه تصيع يالا
اجريبا : معلش يا باشا ...حقك على اللي جابوني
هيرولس : خلاص روح يالا .. ولو شفت وشك هنا تاني هحطك في الحبس
سلامي للملكه يا معلم انطونيو
- تشكر يا سعاده البيه
مشهد الرابع
كليوباترا رايحه جايه في طرقه القصر و يبدو عليها التوتر
-ايه يا مولاتي انتى مستنيه ولاده و ايه
-بس يا بت ... انا مش عارفه هقول ايه لانطونيو لما يجي
-هدي نفسك يا مولاتي انا عندي الحل
-طب قولي
بعديها بساعه يدخل انطونيو القصر و يسمع فيتاره تعزف
و يدخل الاوده يلاقي كليوباترا لا بسه فستان طويل اوي و قاعده بتعزف على الفيتاره
حاول ان يخلع الدبله لتقول له : لأ ...
شرميون : تي رارارا
-لأ
-تي رارارا
-يا مولعلي قلبي دقه ..دقه .............. يا منيسني ليلي و نهاري في حرقه........ اقصد انسي حبك ....برضه ..لأ
طبعا المطهول يلين بعد ماكان يرمي الدبله في وشها و سالها بصوت رقيق
-ايه يا كليو ... كده تسبيني في قلب المعركه
-اعمل ايه .. الاكل كان على النار ...يرضيك يتحرق و قيصرون(ابن كليوباترا) مايكلش ؟
-لا صح عندك حق
-المهم انا عامله حمام بالفريك يستاه بقك
طبعا افتكر امه الحاجه هيلين ايام ما كانت تعمله الفراخ بالبرتقان ..الله يرحمك يا حاجه هيلين
-بالهنا و الشفا يا حبيبتي
طبعا كان عشا رومانسي موووت وشموع و قرش حشيش و حوارات المهم
-هاتعمل ايه بكره مع اكتافيوس يا حبيبي
-(وهو مسطول) انا بكره هاقطع اكتافيوس ده
-المره دي على البر يا انطوني عايزاك تقطعه حتت وترميه للقطط
-من عينا يا روحي
مشهد 5
المعركه البريه على ضفاف الاسكندريه
مش ناوي تلم الدور يا اكتافيوس
لا مش ناوي
يا رجال الهجوم
و تنطلق المعركه ويلتحم الجيشين و تبدا المعركه و اصبحت اشبه بالجحيم و بدا جبش انطونيو بالانهزام و في وسط تاتيه خادمه تخبره ان كليوباترا انتحرت
و الظاهر كان لسه مافقش من اثر الحشيش بتاع عشوه امبارح من غير مايفكر قام حاطط سيفه في الارض و قتل نفسه!!!
و هكذا اعلن انتصار اكتافيوس
مشهد 6
كليوباترا في قصرها بعد ماعرفت ان انطونيو قتل نفسه
-يا دي النيله طول عمرو غبي ... اتصرف ازاي دلوقتي
-بصي يا مولاتي انت بحلاوتك كسبتي انطونيو ماتجربي مع اكتافيوس
-بس كتافيوس هيبهدلني
-بس انت احسن يا مولاتي
-اه صح اكيد طبعا انا احسن من مراته الساحره ميرال ام شنب في وشها
-قشطه يا مولاتي
اكتافيوس بخش القصر يلاقي شقلبه في قلب القصر و بخور من بلاد بونت و كام بت حلوه اوي يرقصون في ايقاعات فرعونيه بديعه ثم راها ...كليوباترا
كانت تبدو في احسن هيئه لها و قد ارتدت فستان من تصميم كغستيون ديوغ (ماركه كانت على اياميهم ...ماتركز اوي يعني) و مكياج من احلى محل مكياج في فينقيا من الاخر كده ولا( ايزيس وهبي )
طبعا انبهر اكتافيوس بيها وتذكر سنيه مراته وهي طالعه من الحمام لما كانت بتحلق دقنها و تقوله "بكره تندم يا جميل"
طرد الفكره دي من راسه و بدات كليوباترا الكلام
-اهلا بيك يا اكتافيوس في قصرنا المتواضع
-(مبلم) يا هالا وسهلا
-اقدر اقدملك خدمه
-(استرجع اكتافيوس قواه) اه انا جاي اخدك اسيره
-لا بعينك يا توتو ده انا كليوباترا يا يابا انا عارفاك انت عايز تخليني اعمل اعلان لمحل السباكه بتاعك على جثتي
- هتجي معايا يا كليوباترا غصب عنك
-لا ماتحاولش
و اثناء كده اخرجت كليوباترا الثعبان و عضها التعبان لتموت كليوباترا في نفس يوم مقتل حبيبها انطونيو
لا ... لسه القصه ماخلصتش
و بينما كان جواري كليوباترا ينتحرن واحده تلو الاخري
انطلقت شرميون تغني
و انا اموت نفسي ليه .. واقرفكم علشان ايه
و بينما هي تغني سمعها احد المنتجين و قرر يعملها اغنيه ..............
مشهد 7
اكتافيوس عاد ليته و يدخل البيت
-انت جيت يا سبع البرمبه
كان هذا الهتاف من الحمام من مراته سنيه و هي منهمكه في خلاقه دقنها
-اه جيت
-طب حمد لله على السلامه
باليل اكتافيوس يشاهد القنوات على قمر الاله الاوروبي و مراته نايمه جنبه
وكل مايشوف بت حلوه يبص لمراته ويتف على وشها
المهم مراته عرفت الحوار ده و لبست قناع و هي نايمه جنبه
و بينما اكتافيوس يحول بين القنوات لقى شرميون تغني على قناه انوبيس في برمانج النقشه الاولى
و راها تغني و لا اجدع من روبي
وكان رد فعله الوحيد بعد انتهاء الاغنيه انه شال القناع من على وش مراته عشان يبصلها و يتف
بسل الستار على المسرح و تدوي اغنيه وانا اموت نفسي ليه ...... و اقرفكم علشان ايه
ستار
النهايه

gamedd mootttttttttttttttttttttttttt ya aya bgd agza2 to7fa merci ya 2mr

علي ايه ده واجب اني انزل احلا حاجه لاحلا منتدي مرسي ليكي انتي انك رديتي

ايه هو معجبش حد غيرك ولا ايه

لا يا ايه ده جميل جدا