ألغاز من تأليفي | الجزء الأول

بسم الله الرحمن الرحيم
أولا أنا اسف على الغيبة الطويلة دي
معلش النت كان مقطوع الأيام اللي فاتت
في الوقت اللي النت كان مقطوع فيه
قعدت أألف ألغاز بوليسية
يارب تعجبكوا ويارب تعرفوا تحلوها

الألغاز دي عبارة عن قصة انا هحكيها
دققوا ف تفاصيلها عشان توصولو للجاني
وهي سهلة ان شاء الله وهتعرفوا تحلوها

أول ما اللغز يتحل
هنزل لغز جديد

نبدأ على بركة الله

د . أيمن ، عالم بالطاقة الذرية ذاع صيته بالأونة الأخيرة ، يعيش بأحد أحياء القاهرة ، في يوم من الأيام وصلت للدكتور أيمن رسالة تهديد تنصحه بالتخلي عن أبحاثه وإلا كان مصيره الموت ، ذهب الدكتور أيمن للشرطة وسجل محضر بالواقعة ولكن الشرطة لم تتوصل لشئ وطمأنوه بأنه لن يحدث له مكروه فربما كانت هذه دعابة من أحد الأقارب أو الأصدقاء . رجع الدكتور أيمن لمنزله خائب الأمل ، وكانت تصله كل يوم رسائل تهديد ومكالمات من أرقام مجهولة ، وكان يحدث شيئا غريبا يوميا ، كان كل يوم يسمع صوت زجاج ينكسر في حجرات الشقة وكان كلما دخل يجد زجاج شباك الحجرة متهشما ، ولكن ذات مرة من المرات ، كان صباح يوم الإثنين سمع الدكتور صوت تهشيم الزجاج نظر من الشرفة مسرعا ولكن لم يجد أحدا في الطريق ، وفجأة ، أصابت الدكتور رصاصة من بندقية قناص وعندما جاءت الشرطة وحققت مع الشهود علموا ان هذا القناص كان يقف في شقة مواجهة لشقة الدكتور ، قامت النيابة بالتحقيق ووجدت أن هذه الشقة يسكنها ثلاث طلاب في الجامعة من كليات مختلفة ، وكانت أقوالهم كالتالي:
س : كنت فين النهاردة من الساعة 7 الصبح للساعة 3 العصر ؟
رد الطالب الأول : كنت في الجامعة عشان كان عندي محاضرات مهمة وصحابي شاهدين على كده
رد الطالب الثاني في تردد : كنت عند خالتي في المستشفى بزورها عشان كانت بتعمل عملية وكنت واقف مع ولاد خالتي
رد الطالب الثالث : كنت عند الحلاق وبعد كده رحت الجامعة ورحت اتغديت أنا وصحابي في مطعم قريب من الجامعة

نظر المحقق للعساكر وأمرهم بالقبض على الجاني
فمن هو الجاني وكيف استنتج المحقق انه الجاني ؟؟

حمد الله على سلامة النت
حلوه الفكره دي ... الجاني الطالب التاني

لازم تقولي السبب

عشان كان متردد

ده مش سبب مقنع على فكرة
ما أي واحد الشرطة بتستجوبه ممكن يكون متردد

الله يسلمك وشكرا على الرد
فكري كويس واقري الموضوع تاني

ها
لسة محدش عرف ؟

بصراحه مش عارفه بس هحاول تاني

اوك ، انا منتظر
والله الحل سهل بس ركزوا انتو

الثالتث لانه قال انه عند الحلاق ويوم الاتنين الحلاقين بيكون اجازه

صح ياايه
انا باردوا اعتقد ان دى الاجابة الصح
ومستنين الالغاز التانية
شكرا فكرة حلوة اوى

صح يا آية
برافو
اجابة صحيحة
اللغز التاني جاي في السكة اهه

اوكى
انا هاحاول اجاوب عليه
ربنا يسهل

اوك واحنا مستنينه