الحلقه الاولى من يوميات ظريفه ومتعوس

عايزين نتفق على حاجه يا جماعه ديه قصه شوفتها فى موقع كل يوم تقريبا ممكن انزل قصه وهيه قصه ليوميات ظريفه ومتعوس


وديه الحلق الاولى


(حوار متعوس مع صديقه عالموبايل )
متعوس : ترن ترن
الو ..ايوه يا بنى انت فين انا بقالى نص ساعه واقف ملطوع مستنيك
ايوه انا فى الزفت المكان اللى اتفقنا عليه..نعم...هو ايه اللى مش جاى..انت عبيط يلا..تصدق انا ابقى عيل لو وافقت اروح معاك فى حته تانى ياعم روح يا شيخ بقى بلا بكره بلا بعده..واقفل بقى علشان انا اتخنقت منك ..ٍسلاام
( متعوس بيكلم نفسه وهو ماشي )
ياااادى النيله حتى الشوارع زحمه والعربيات كتيره..ومفيش حته الواحد يحط رجله فيها..ده ايه القرف ده

ااه لو الواحد يقدر يهج على بلاد بره..ده انا...اااي مش تحسبى وانتى ماشيه انتى عاميه ؟
ظريفة :عااااميه !!!!!!!!!!

مالك فيه ايه انت جاى ترمى بلاويك عليا مش تفتح وانت مااشى
متعوس:انا اللى افتح عينى ..يعنى انتى غلطانه وليكى عين تتكلمى
اما انتى بجحه صحيح
ظريفة :نعم نعم ... انا الي بقيت دلوقتي غلطاااانه
وبجحه كمان ... عارف لو ملمتش نفسك دلوقتي ومشيت هصوت والم عليك امه لا الا الله ...
متعوس : احترمى نفسك يا شاطره..بدل ما ارويكى فعلا قلة الادب ... وروحى اعملى الشويتين بتوعك دول فى حته تانيه ..الكلام ده مش عليا
ظريفة :ايه ... بتقول الكلام داه ليا انا
هو انت فاكر نفسك مين ... لتكون ابن الوزير وانا مش عارفه
متعوس :وهو بس ابن الوزير اللى بيعرف يااخد حقه من الناس اللى زى اشكالكم
ظريفة :اشكالنااااا ههههههه انت مشفتش نفسك في المرايه ابل كده ... ضحكتني بجدد
متعوس : متعيشيش فى الدور اوى كده ..شكلك فى الاخر هتطلعى من حاره سد ... (مكان شعبى اوى ).
ظريفة : لاااااااااااااا
انت زودتها اوي كده ... انت شكلك مش هتلم نفسك ولا تختشي على دمك غير لما اصوت والم عليك خلق ربنا بجد ...
طيب .. ماشي
اما وريتك يلى ما تتسمى

الحقووووونييييييي ..حرااامى
الحقوونى يا ناس ده عايز يسرقنى
متعوس :ااه يا...انا عملتلك حاجه يا بت انتى
انتى بتتلككى
(واحد ماشى فى الشارع )
فيه ايه يا انسه ؟
ظريفة :الحقنى ...الواد ده ماشى ورايا بقاله مده وعمال يرمى عليا كلام من الصبح وانا ساكته ولما زعقتله فى الاخر راح قرب منى وحاول يشد شنطتى من ايدى ويجرى

( الراجل اللى فى الشارع )
انت مالك بيها يلا ..هو مفيش حد مالى عينك ولا ايه
متعوس :والله يا عم ما عملتها حاجه ولا قربتلها اصلا
الراجل:يعنى هى هتتبلى عليك مثلا...مش هتبطلوا الحركات اللى بتعملوها دى بقى..وتسيبوا بنات الناس فى حالهم...ترضى انت اختك يتعمل فيها كده
متعوس :بقولك ايه ما تجيبش سيرة اختى ..اختى احسن واشرف منك ومن اللى جبوك
الراجل : لا راجل يلا..لما نشوف هتبقى راجل لما نمسكك كده من قفاك ونجرجرك كده على القسم ونفتح محضر
((متعوس يزق الراجل))
قسم ايه يا عم..انت صدقت نفسك ...اجرى يا عم شوف عيشك وخليك فى حالك
الراجل: ... خلينى فى حالى... طب تعالى بقى

بوووم طااخ طش اي

((بعد ما متعوس انضرب والاسعاف جت..و شالوه على نقاله للمستشفى))
ظريفة:يا حراام
ده الواد اتدغدغ خالص مبقاش فيه حته سليمه
انا ايه الي خلاني اعمل كده .. ده انا كنت شريرة جدا والواد راح في شبر ميه انا ظلمته بجد والحل يا ظريفة ... الحل يا ظريفة ااااه الحل هو اني لازم اروح ازوره في المستشفى وأعتذرله.. كده عداني العيب ولا ايه يا ظريفة

((ظريفة وصلت المستشفى .. ))
ظريفة لموظفة الاستقبال:لو سمحتي
ظريفة (( بصوت منخفض لنفسها ))
هو اسمه ايه؟؟!! ..داه انا معرفش اسمه !!
اقول للبنيه دي ايه طيب... ايه العبط الي انا فيه
ظريفة لموظفة الاستقبال :انا كنت عايزه اعرف ....
اوضة الشاب اللى جه هنا وهو مضروب من خناقه ميدان التحرير ....

الموظفة لظريفة ( وهي بتبص لظريفة من فوق لتحت ):
انتي قريبته

ظريفة: لأ
الموظفة : ممنوع الزياره .
ظريفة : بس انا لازم اقابله ..
الموظفة : ليه .؟
ظريفة ( تسكت وبعد كده ترد تقول ): انا عايزه اقابله وخلاص
الموظفة تبتسم ( ال يعني فهمت ) وقالت : اوضه 1144

ظريفة ( بصوت منخفض ) : اديني وصلت اهو .. طب هقوله ايه .. طول عمري عبيطه ...
( الباب كان نص مقفول )وظريفة وقفت قدام الباب :
ظريفة سمعت حوار
متعوس لمامته :ااه يانى ..يا مين يناولنى زمارة رقبة البت دى..ده انا لو شفتها دلوقتى ممكن ادبحها
ظريفة : احم احم

(( متعوس بيبص على الباب وشافها ))
هو انتى ...حسبيا الله ونعم الوكيل فيكى ..روحى منك لله...اشوف فيكى يوم يا بعيده ... وكمان ليكى عين تيجى لحد هنا
ده انتى مش بجحه وبس ده انتى وقحه كمان..اه يانى لو اقدر اقوملك بس ...كنت طلعت روحك فى ايديه
ظريفة :ليك حق تقول كل داه بس انا... انا جايه اعتزر
انا اسفة ... مكنش قصدي ... مكنتش عارفه انه هيوصل لحد كده
متعوس : ايه ايه مكنش قصدك.. بقى بعد الضرب والبهدله دى كلها وتقولى مكنش قصدك .. امال لو كان قصدك كنتى عملتى فيا ايه..كشفت راسى ودعيت عليكى يا بعيده...الهى تتبهدلى زى ما بهدلتينى كده
ظريفة :حرام عليك متظلمنيش اوي كده ... انا قصدي خير وجايه وناويه الصلح
متعوس :صلح ..انتى خليتى فيه صلح
بصى يا بنتى الناس..انتى تختفى من قدامى دلوقتى ..ومش عايز اشوفك تانى ابدا..لانى لو قابلتك فى وشى فى يوم من الايام مش عارف انا ممكن اعمل فيكى ايه
ظريفة :ماشي انا همشي دلوقتي بس خليك عارف اني جيت لحد عندك واتاسفتلك
متعوس :ويفيد بايه الاسف يا ست هانم..ما خلاص اللى حصل حصل

ظريفة:لا مخلصش ... انا قولتلك انا جيتلك لحد عندك وانت الي رافض حتى تسمعني
متعوس:ومش عايز اسمع..كفايه بقى لحد كده..ولو سمحتى اتفضلى من هنا علشان محتاج انى ارتاح
ظريفة :ماشي زي ما تحب انا همشي ومش هتشوف وشي تاني
فرصة سعيده يا طنط ...
متعوس : بالسلامه
الام :هى البنت دى اللى كانت السبب فى اللى حصلك

متعوس: ( وهو مضايق)
لو سمحتى يا ماما مش عايز اتكلم فى الموضوع ده تانى
ولو البنت دى جت تانى متخلوهاش تدخل
لو انى اشك انها ترجع بعد اللى انا قولته ليها

الام:صراحه يا بنى دى لو رجعت يبقى معندهاش دم..خلاص بقى اهدى وبلاش نرفزه انت ناسى الدكتور قال ايه
ظريفة(وهي راجعه البيت متنرفزة ):
انا الحق عليا اني روحتله داه طلع واد قليل الادب بصحيح ومش محترم
انا يتعمل فيا كده ... ده انا ظريفة .... !!!

انتظروا الحلقه التانيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا حلقة جامد