الحلقه التانيه من يوميات ظريفه ومتعوس

(( الحلقة الثانيه ))



ظريفه روحت البيت واول ما دخلت من باب الشقه...مشمشه اخدت بالها وقررت انها تقوم بدور الاخ الكبير... ( انها ترخم طبعا لان فى رايها ده واجب مقدس )
ظريفة (بتبرطم لنفسها):انا الحق عليا اني روحتله داه طلع واد قليل الادب بصحيح ومش محترم.... انا يتعمل فيا كده ... ده انا ظريفة
انا استاهل ضرب الجزم لو روحت ليه تانى
مشمشه قربت من ظريفه علشان تبدأ هوايتها المفضله(تطهق ظريفه فى عيشتها) :مالك يابت ياظريفة راجعة وشك مكلدم كدة ليه...حد ضربك فى الشارع..ولا كالعاده عيل من العيال كان بيجرى وراكى ويرميكى بالطوب
ظريفه :مشمشه...
ابعدى عن وشى السعادى لحسن العفاريت بتتنطط قدامى دلوقتى
مشمشة :العفاريت بتتنطط قدامك حرام عليكى يا ظالمه دى العفاريت بتخاف منك تلاقيها كانت بتجرى منك وانتى فكراها بتتنطط
ظريفة : يوووووه بقى ما قولنا اسكتي يا مشمشه انا مش ناقصاكي ولا ناقصه رخامتك دى
مشمشه :مالك يابت ياظريفة ايه اللى حصلك دانتى شكلك زعلانه بجد قوليلى...حد مجنون اتجرأ وضايقك..ولا امه كانت داعيه عليه ومشى فى طريقك ؟
ظريفة :مضايقة ال مضايقة ال...لا مضايقة ولا حاجه ليه هو حصل ايه عشان اضايق داه انا ظريفة على سن ورمح.
مشمشه :ماشى يا ست سن ورمح احكيلى ايه اللى حصل
والله شكلك عضيتى حد كان ماشى فى الشارع فراح ضاربك
ظريفة :انا اللى عضيته ..ده هو اللى زقنى وبعد كده جاى يقولى انى عاميه
مشمشه :هو برضه اللى زقك ..انا عارفاكى وعارفه لسانك الطويل...هو برضه اللى زقك وخبطك ...تلاقيكى انتى اللى بتتبلى عليه زى مابتعملى مع كل الناس
ظريفة : بقى انا كده يا مشمشه لساني طويل وبتبلى على كل الناس..دلوقتي بقيت انا الغلطانه في كل حاجه
مشمشه :طب احكيلى..ايه اللى حصل؟
ظريفة : الحكايه اني كنت فى ميدان التحرير ..وانتى عارفه ان الدنيا هناك زحمه مووت لدرجه مقرفه...و عادى جدا زى كل البشر اللى هناك بعدى الشارع للناحيه التانيه .. واول ما عديت لقيت اللي بيخبط فيا جامد.. لا ومش كفايه انه خبط داه كمان زعق فى وشى وقالى انى عاميه..ال ايه انا اللى خبطه مش هو اللى عامل زى بغل ماشى بيزق وخلاص... انا لولا انى كنت في ميدان عام كنت قلعت الجزمه واديته فوق دماغه..على جمله عاميه دي
مشمشه : هههههههههههههه تعمليها والله
وعملتي ايه لما قالك كده


ظريفة : ولا حاجه قولتله ان هو اللى أعمى وان هو اللى غلطان
فراح قل ادبه عليا ... فانا قولته انه لو محترمش نفسه هلم عليه الشارع كله ... فساق اوى فيها
مشمشه : ( تغمض عينها وتقولها ) اااه خلاص فهمت
فانتي بقى صوتى ولميتى عليه امة لا اله الا الله مش كده
ظريفة :وانتى كنتى عيزانى اعمل ايه يعنى
مشمشه: لا طبعا ودى تيجى لازم تظهريلوا مواهبك
ظريفة :انتى هترجعى تانى للتريقه بتاعتك دى ..بقولك ايه انا مش نقصاكى
مشمشه:اعملك ايه تصرفاتك هى اللى بتستفزنى ..وبتخلينى اتريق غصبن عنى
ظريفه: اتريقى اتريقى ..ما هو ده اللى انتى فالحه فيه ..انما تقوليلى نصيحه او جمله مفيده...ازاى متجيش طبعا..وكأنك هتموتى لو قولتى ليا جمله مفيده ...تصدقى انا غلطانه انى قولتلك اصلا..
مشمشه : ياساتر براحة شيويه مالك داخله فيا كدة ليه..هو انتى ترجعى متعصبه وتطلعى عصبيتك عليا؟
((ظريفه مش بترد..فمشمشه تستغرب وتقرب منها..وتنذهل لما تلاقيها بتعيط))
مشمشه وهى مصدقه عنيها:انتى بتعيطى يا ظريفه...ايه يا بنتى حصل ايه لكل ده ...خلاص خلاص معلش متزعليش
ظريفه قالت بصوت عالى:انا مش بعيط ..ممكن بقى تسيبينى فى حالى ؟
(جت الام على صوت الخنااق )
الام :ايه مالكو يا بنات
مشمشه :هو ايه يعنى اللى كان حصل علشان دة كله
الام : بس يا بنت منك ليها
وكمان مش محترمين امكم وبتكملوا خناق عادى ..و ولا كأنى موجوده...خير يا ست ظريفه...مالك؟
مشمشه : ياماما انا هقولك ...ست ظريفه جايه وعماله تزعق وتشخط فيا..وال ايه متنرفزه ومش عايزه حد يكلمها..يعجبك كدة يعنى
الام :اسكتي انتي يا مشمشه سبيني اتكلم مع اختك شوية
مشمشه :ماشى اتكلموا مع بعض ما انا اللى بخنقها دايما شكلى...هى اصلا جايه شايطة لوحدها
الام( بتهمس لمشمشه في ودنها وبتقولها ):خلاص بقى خليكى الكبيرة والعاقله
مشمشه :خلاص ماشى ..انا هطلع منها...شوفيها هتقولك ايه اتفضلى اتكلمى وقوللنا مالك
ظريفه برضه مش بترد(شكلها هتسوق فيها ..وهتاخد على دماغها فى الاخر)
مشمشه بتكمل:هو ايه يعنى اللى كان حصل علشان العياط ده كله..ما انتى برضه اخدتى بحقك ولميتى عليه البلد..مالك زعلانه ليه؟
ظريفة(بتعيط بحرقه اوووي وتقول) :مش عايزة اتكلم مع حد اخرجوا بره
مشمشه :نخرج بره انتى شكلك مش طبيعيه اصلا ومش مرتاحالك من ساعة ماجيتى...ومش هنخرج وهتتكلمى وتقوللنا مالك
الام : خلاص يا مشمشه تعالى بينا نخرج ونسيبها دلوقتي
مشمشه :نسيبها ازاى ياماما لازم نعرف ايه اللى حصلها ومالها عاملة كدة ليه
الام : خلاص يا مشمشه قولت سيبيها..وهى هتروق لوحدها وتيجى تحكيلنا
مشمشه :خلاص انتوا حرين مع بعض اعملوا اللى تعملوه ادينى طلعه اهوه
الام ( بعد ما خرجوا من اوضه ظريفة بتقول ) :
يلا يا مشمشمه تعالي ساعديني في الاكل زمان ابوكي جاي من الشغل ..ولو جه وملقاش الغدى جاهز هيوقع دهان الحيطه من الزعيق
مشمشه :اكل ايه بس دلوقتى دي سدت نفس الواحد عن كل حاجة
الام : معلش يا مشمشه انتي الكبيرة بردو ولازم تستحمليها لحد ما نعرف مالها
مشمشه :مش عارفه انا هتفضلى تدلعى فيها لغايه امتى ..دلعلك ليها ده هيوديها فى داهيه صدقينى....وانا هتكلم معاكى ليه..انتى عمرك ما اقتنعتى بكلامى وخصوصا لما بيخص ظريفه... انا هستنى لما بابا يجى ويشوفله صرفه معاها
الام( بعصبيه ):سيبيكي من ابوكي خااالص يا مشمشه... هو أصلا بيرجع مش شايف قدامه من الشغل...وانتي هتقوليله على ظريفة ودلعها ..يبقى اليوم ده مش هيعدى علينا ابدا هو انتي مش عارفه ابوكى
مشمشه :طب ايه الحل طيب مهى مش عايزة تتكلم نعمل معاها ايه طيب
الام :يووووه بقى
مشمشه :وانتى مدلعاها كمان قوليلى بقا ايه الحل
الام : هو مفيش حاجه شغلاكى غير ظريفة عملت وظريفة سوت .. هو انتي شغلانتك في البيت بس ظريفة .....ارحمينى بقى
مشمشه :هو فى قرف عندنا ومشاكل غير من ظريفة
الام :روحي يا شيخه جتك قرف
مشمشه :هو انا علشان بتكلم بالحق هنا ابقه قرف خلاص انا مليش دعوة بيكوا اعملوا اللى انتواعايزينه تعملوه انتوا أحرار..بس مترجعوش تقولوا يا ريتنا كنا سمعنا كلامك يا مشمشه
الام :انا هدخل اخلص الاكل وانت افضلي فكري لحد ما تموتي
مشمشه :دانا اللى اتخنقت منكوا
الام :بت حاسبي على كلامك ... انتي بردو بتكلمي امك
مشمشه :ماشى ياماما..افضلى كل مره اعملى كده وسبيها لغايه لما تضيع منك..بس مترجعيش بعد كده تقولى يا ريت اللى جرى ما كان
الام:مش هقول حاجه ...اقفلى بقى على الموضوع ده وروحى شوفى حاجه مفيده تعمليها
مشمشه :حاضر انا هسكت...انا هسكت لحد ما نشوف مين فينا الصح ومين اللى كلامه هيطلع صح فى الاخر..والايام
بيننا...............






w ya rb t3gbko bs hya mshkltha enha kberh shwyh

w estno el 7l2h el gayh 3