ألغاز من تأليفي | الجزء الثاني

يعمل الظابط وائل بقسم مكافحة المخدرات بمحافظة الغربية ، بعد انتهاؤه من مأمورية بالقبض على أحد تجار المخدرات المشهورين عاد لبيته ليأخذ قسطا من الراحة ، دخل المنزل ووجد ان كل شئ في الشقة في مكانه عدا خزانة النقود ، فقد سرق لص الخزانة بأكملها وأخذها معه ، كما أن باب الشقة غير مكسور ، ففكر الظابط قليلا فمن يعرف بمكان الخزانة ويمكنه سرقتها ، ووجد أن هناك ثلاثة أشخاص فقط يعرفون مكانها ويملكون مفتاح الشقة هم : الطباخ والبواب والخادمة التي تنظف المنزل ، قام فورا باستدعاء الأشخاص الثلاثة دون أن يذكر سبب الاستدعاء وكان الحوار كالتالي :
أولا مع الطباخ :
الظابط : ازيك يا شيف محمد
الطباخ : اهلا يا حضرة الظابط ، في ايه خير كفالنا الشر
الظابط : كله خير إن شاء الله ، انت النهاردة جيت طبختلنا ايه
الطباخ : اانا عملت لحضرتك ملوخية بالأرانب انت مش كلت ولا ايه ، وبعدين حضرتك جايبني عشان تسألني انت طبخت ايه
الظابط : لا طبعا مش عشان كده ، انما انت جيت الساعة كام ومشيت الساعة كام
الطباخ : انا جيت الساعة 1 كده الضهر ومشيت ع الساعة 4 ، بس ايه لازمة السؤال ده
فكر الظابط قليلا ووجد ان الطباخ كبير في السن وجسمه ضعيف ولا يستطيع حمل الخزانة فأخبره ان خزانة النقود قد سرقت وسأله إذا كان شاهدها أم لا أثناء تواجده بالمنزل ، فرد الطباخ انها كانت موجودة
توجه الظابط إلى بواب العمارة وأخبره عن السرقة وسأله :
الظابط : الخزنة بتاعتي اتسرقت ، انت شفت حد نازل وشايلها في إيده
البواب : هو يقدر حد يهوب ناحية العمارة وانا موجود ، دا انا لو شفته كنت كسرت عضمه ، بس لحظة انا افتكرت حاجة
انا كنت ياحضرة الظابط في الجامع بصلي وانا راجع لقيت واحدة ست نازلة من العمارة وشايلة في إيديها حاجة كبيرة وبتجري بيها
نظر الظابط للخادمة وقال لها :
الظابط : انت جيتي النهاردة يا سعاد نضفتي الشقة
الخادمة : لا يا سعادة الباشا انا كنت قاعدة جمب امي اصلها عندها دور برد شديد وبعدين لما انت كلمتني جيت احسن تكون محتاج حاجة
فنظر الظابط إلى الأشخاص الثلاثة واخرج سلاحه ووجهه ناحية الجاني وطلب منه أن يعترف عن مكان الخزانة
فمن هو الجاني وكيف عرف الظابط انه الجاني ؟؟

ليه ؟

مين قالك انها مظلومة ؟

لازم اللي يتهم حد يوجه دليل إدانة

الخدامه ... عشان البواب شاف واحده ست بتجري لما رجع من الصلاه ؟

ما هي قالت انها كانت جنب مامتها
وبعدين ايش عرفك ، ممكن يكون البواب بيكذب

ياجماعة في دليل قاطع في اللغز
اقروا كويس

الطباخ لأن هو الوحيد الي قال أنه دخل الشقه

ما الظابط قال ان الطباخ عجوز ميقدرش يشيل الخزنة لوحده

قول يا احمد الحل و أخلص

الطباخ عجوز ي جماعة وميقدرش يشيل الخزنة لوحده

لا متفقش
انا هسهلها ليكو
الجريمة نفذها شخص واحد مش اتنين

ممكن يكونوا متفقين صح ؟

يا سلام على التسهيل

ايه الدليل القاطع ؟